Qıtayda Soudelor ğarasatında ülüçelär sanı 14 kä citkän

“Şinhua”agentlığı ilneñ könçığışındağı Cıciang vilayätendä tayfun afätennän 14 keşeneñ ülüen , 4 keşeneñ yuğaluın citkergän.

Agentlıq beldergänçä, ilneñ Cıciang, Fucien, Anhui häm Ciangşi vilayatlärendä afättän 3 millionnan kübräk keşe zıyan kürgän, töbäktä ut betülär küzätelgän.

Ğarasat näticäsendä Cıciang vilayätendä 223 yort cimerelgän, afät 272 avtoyul häm 43 meñ 600 gektar igen mäydanına zur zıyan salğan.

Vilayättä tayfunğa bäyle iqtisadi yuğaltu yaqınça 644 million dollar täşkil itä.