Ukrainada soñğı wazğiyät

Ukrainada Rusiyä tarafdarları häm Ukraina armiyase arasında fevral ayında ğamälgä kergän utnı tuqtatu här kön bozıla.

İlneñ könçığışındağı soñğı bäreleşlärdä Ukrainalı 4 ğaskär ülgän, 15e yaralanğan.

Töbäktä utnı tuqtatu soñğı täwlektä 99 tapqır bozılğan.

Ukraina armiyase utnı tuqtatu qısalarında port şähäre bulğan Mariupoldağı awır qorallarnı çigä başlağan.

Ğaskärdän arıldırılğan “buffer töbäk”neñ barlıqqa kiterelüe öçen eşçänleklär däwam itä.

Läkin Ukraina armiyaseneñ bu qararına reaktsiya beldergän şähär xalqı çara oyıştırğan.

Şähär üzägendä cıyılğan yaqınça meñ keşe Ukraina citäkçelegen töbäktän çigelmäskä çaqırğan.

İlneñ iñ keçkenä kisägeneñ dä Rusiyä tarafdarlarına qaluın telämagän xalıq buffer töbäkneñ separatistlarnıñ xäräkäten arttıracağın äytkän.

Töbäk xalqı awır qorallar çigelgän waqıtta şähärgä tağın da kübräk höcümneñ oyıştırıluın citkergän.

Ber frantsuz radiosına intervyu birgän Ukraina däwlät başlığı Petro Poroşenko Rusiyä ilbaşı Putinneñ bar Awrupanı qulğa töşerergä teläwen däğwa itkän.

Ukrainanıñ könçığışındağı bäreleşlär başlanğan könnän birle ike taraftan 6 meñ 400dän artıq keşeneñ ğomere özelgän.