AQŞta moxit fäläkäte

Neft ütkärgeçennän ağıp çıqqan tonnalarça yağulıq diňgezdä 14 çaqrımlıq alanğa cäyelgän.

Amerika Quşma Ştatlarınıň Kaliforniya ştatında neft ütkärgeçendä barlıqqa kilgän çatnawdan yaqınça 80 tonna yağulıq aqqan.

Neftneň sarquı tabiği tormışqa yanağanı öçen ştatta ğadättän tış xäl iğlan itelgän.

Wazğiyät arqasında töbäktä balıq totu da tıyılğan.

Waqiğanı dähşät birüçe itep taswirlağan tirä-yaq moxitnı saqlawçılar isä okeanğa aqqan neftneň 400 tonna buluın äytä.

Okeannıň çistartıluı öçen yözlärçä keşe yar buyına ağılğan.

Santa Barbarada 1969nçı yılda da meňnärçä tonna neft okeanğa qoyılğan, ekologiya fäläkäte küzätelgän.