Balıqçı köymäsenä İzraildän reaktsiya
Şvetsiya häm Norvegiyale aktivistlar utırğan köymäneñ töbäkkä taba yulğa çığuın İzrail provokatsiya itep taswirlağan
İzrailneñ tışqı eşlär ministrlığı süzçese Emmanuel Nachson matbuğatqa yasağan açıqlawında Şvetsiyadän quzğalğan köymä belän bäyle bularaq: “Yärdämnären İzrail aşa cibärergä tiyeşläri” – digän.
Nachson açıqlawında tübändägeçä däwam itkän: “Ğazzädäge wazğiyätne köymä cibärep, dramatizatsiyaläwneñ mägnäse yuq.”
Yähüd bulğan Şvetsiya watandaşı Dror Feiler dä aralarında bulğan 13 aktivist düşämbe könne yulğa çıqqan häm humanitar yärdäm materialı da töyälgän “Marianne” balıqçı köymäsendä kiläse ay urtalarında Ğazzägä barıp citärgä planlıy.
“Marianne”neñ media cawaplısı Mikael Karlsson İzrailneñ Ğazzägä qarata qullanğan blokadanı cimerer öçen qabat eşkäkereşülären belderep: “Bu tapqır Ğazzägä barıp citkäç İzrail bezgä qomaçawlamas dip ömetlänäm,” – digän ide.
İzrail blokadasın cimerü maqsatı belän yulğa çıqqan 5 köymä 2008nçe yılda blokadanı diñgezdän cimerä alğan ide. Läkin İzrail 2010nçı yılda İstanbulda quzğalğan Mavi Marmara köymäsebä höcüm oyıştırğan, höcümdä 10 törek yaqtı dönyadan kitkän, 50dän artık keşe yaralanğan ide.
