Ğiraqta törmädä totqınnar arasında ğawğa çıqqan
Waqiğada 50 totqın häm 12 gvardinnıñ ğomere özelgän
268657
Ğiraqnıñ Diyala qalasındağı ber törmädä totqınnar arasında talaş-ğawğa çıqqan.
Ğiraq eçke eşlär mimistrlığı süzçese beldergänçä, waqiğa Halis törmäsendä barlıqqa kilgän.
Totqınnarnıñ köndälek kontrole waqıtında törmädä ğawğa çıqqan.
Qayber totqınnar älege wäzğiyättän faydalanıp gvardinnarnıñ qoralların alğan.
Törmädäge talaş-cäncalda 50 totqın häm 12 gvardinnıñ ğomere özelgän.
Aralarında terror ğamälläre başqaruda ğayeplänüçelär dä bulğan 40 totqınnıñ törmädän qaçuı belderelä.