Nepaldä cirteträwdä ülüçelär sanı 5 meñnän artqan

Nepaldä 25 nçe apreldä küzätelgän 7.8 ball zurlığındağı cirteträwdä ülüçelär sanı 5 meñnän artqan, zilzilädä 9 meñ 600 dän kübräk keşe yaralanğan.

Nepal premyer-ministrı Suşil Koirala üle keşe sanınıñ 10 meñnän da arta alaçağın beldergän.

Mondıy zur külämle fäläkätta üzläreneñ genä köçläre citmäwen belderüçe premyer-ministr xalıqara yärdämnärne dä qabul itülären citkergän.

İldä 3 könlek matäm iğlan itelgän.

Nepal häm tirä yaqtağı illärdä iyärçen zilzilälär dä däwam itä.

Çista su, azıq-tölek häm elektr probleması bulğan başqala Katmanduğa yoğışlı awırular qurqınıçı da yanıy.

Berläşkän Millätlär Oyışması 15 million dollar külämendä aşığıç yärdäm fondı barlıqqa kiterelüen beldergän.

BMOnıñ ğadättän tış xällär koordinatorı Valerie Amos 30 nçı apreldä Nepalgä kitäçägen häm 3 kön däwamında afät töbägendä qalaçağın citkergän.