AQŞta protestlar

Amerika Quşma Ştatlarındağı Maryland ştatına qarağan Baltimore şähärendä qara tänle yeget Freddie Gray 12nçe aprel könne qulğa alınğannan 1 atnadan soň soraw alğan waqıtta yaqtı dönyadan kitkäç başlanğan waqiğalar üsä bara.

15 politsiya xezmätkäre yaralanğan, 30 tiräse protestçı qulğa alınğan waqiğalardan soň şähärdä ğadättän tış xäl iğlan itelgän häm sişämbe könenä qadär uramğa çığu tıyılğan.

Grayneň sişämbe könne oyıştırılğan cänaza cıyınınnan soň çıqqan waqiğalar şähärne suğış alanına äyländergän.

Uramnarğa ağılğan meňnärçä rizasızlıq belderüçe politsiya qırıslığın protest itkän, bäreleşlär çıqqan.

Politsiyağa taş, kirpeç häm şeşälär ırğıtqan protestçılar eş urınnarına ut törtkän.

Waqiğalarda transport çaraları da zıyan kürgän.

İminlek çaraları arttırılğan töbäkkä Milli saqlaw berlege urnaştırılğan.