Nigeriya yuğalğan qızların ezli
“Boko Haram” tarafınnan urlanğan 219 uquçı qız bala öçen tawışsız protest çarası oyıştıurılğan
235335
Awızların qızıl töstäge tasma belän qaplağan protestçılar qızlarnıň urlanuınıň berençe yıllığında başqala Abudjada uramnarğa ağılğan.
“Qızlarıbıznı qaytarığız” digän rizasızlıq belderüçelär Nigeriyaneň yaňa däwlät başlığı Muhammadu Buharidän qızlarnı kire qaytaraçaq säyäsi tırışlıq kürsätüen sorağan.
“Boko Haram” suğışçıları Nigeriyaneň Chibok şähärendä uzğan yılnı 300 tiräse uquçı qız balanı urlağan, qayber qızlar terror oyışmasınnan qaça alğan ide.
Xäzerge waqıtta 219 qız bala haman da tabıla alınmağan.
Berläşkän Millätlär Oyışmasınıň Balalarğa yärdäm kürsätü fondı YUNİSEF älege waqiğanıň yıllığında açıqlağan xisabında Nigeriyadäge terror oyışmasınıň 1 million yarım keşene öysez qaldıruın, alarnıň yartısın bala-çağalarnıň täşqil tüen beldergän.
Balalarnıň canlı bomba bularaq qullanıluı assızıqlanğan xisapta qaçaq balalar sanındağı artışqa da iğtibar cälep itelä.
