Frantsiyada Germaniya oçqıçı kilep töşkän

Germaniyanıñ “Germanwings” hawa yullarınıñ Barselona-Dusseldorf säfären yasawçı “Airbus A320” törendäge oçqıç Frantsiyada kilep töşkän.

İlneñ könyağında ber awıl yanında tawlı töbäkkä kilep töşkän oçqıçta 142 yulçı häm 6 keşelek ekipaj bulğan.

Radar yazmalarına kürä, oçqıç bik tiz biyeklegen yuğaltqan häm cirgä kilep töşkän.

Frantsiya İlbaşı Fransua Olland: “İsän qaluçınıñ buluın uylamıym”, - dip äytkän.

Frantsiya eçke eşlär ministrı Bernard Kazneuve qaza bulğan töbäkkä kitkän.

Oçqıçtağı yulçılarnıñ tanıqlığına qağılışlı bularaq älegä belderü yasalmağan.