"Tunista demokratiya ciñäçäk"
Tunista Milli Bardo muzeyına oyıştırılğan höcümdä 17 turistnıñ ğomere özelgän ide.
2 höcümçe üle kileş qulğa töşerelgän operatsiyadä ber politsiya xezmätkäreneñ yaqtı dönyadan kitüe belderelä.
Ülgän turistlarnıñ İtaliya, Frantsiya, Kolumbiya, Yaponiya, Polşa, Awstraliya häm ispaniya watandaşı buluları açıqlanğan.
Höcümçelär totıq itep alğan häm aralarında balalar da bulğan küp sandağı turist irekkä çıqqan.
Parlament binasına yaqın urnaşqan muzeydağı höcüm xalıq ışanıçlıları anti-terror qanunın söyläşkän waqıtta yasalğan.
Waqiğadan soñ parlament eşçänlekläre tuqtalıp torğan, bina buşatılğan.
Höcüm waqıtında muzeyda yaqınça 200 keşe bulğan. Ğosmanlı sarayınnan muzeyğa äyländerelgän Bardo muzeyı Tunistağı möhim gizü urınnarınnan berse bulıp tora.
Tunis däwlät başlığı Beji Caid Essibsi höcümnän soñ zäñgär ekrannar aşa yasağan açıqlawında ilneñ terrorçılıq belän köräşüen citkergän häm: “Bu qurqınıç azçılıq bezne qurqıtmıy. Azağına qädär köräşäçäkbez. Demokratiya qazanaçaq häm yäşäyäçäk,” – digän.
Tunistağı şähärlärdä protest çığışları oyıştırılğan waqıtta matäm totuçı qayber Tunis keşeläre Bardo muzeyı tirä-yağında şäm qabızğan.
