Awstraliyada Çanakkale ciňüeneň 100 yıllığı cıyınnarı
Canberrada “Gäliboludan soñ 100 yıl” isemle konferentsiya uza
Çanakkale ciňüeneň 100 yıllığı suğışta Angliya saflarında qatnaşqan Awstraliyada da törle cıyınnar belän iskä alına.
Başqala Canberrada oyıştırılğan “Gäliboludan soñ 100 yıl" isemle konferentsiyaneň açılışın Awstraliyaneň Saqlanu ministrı Kevin Andrews yasağan.
Andrews çığışında Mostafa Kämal Atatörekneň ber suğıştan ike il arasında tınıçlıq häm duslıq barlıqqa kiterä aluına iğtibar cälep itkän.
İke kön baraçaq konferentsiya qısalarında belgeçlär suğış belän bäyle tikşerenülär belän urtaqlaşaçaq.
Mäs'älä belän bäyle ikençe konferentsiya da Sydneyda ütkärelä.
Törkiyäneň Canberradağı ilçelege dä 100 yıllıq uňayınnan qabul itü çarası oyıştırğan.
Çarada ilneň aldınğı isemnäre häm ilçelär qatnaşqan.
Bıyıl berençese oyıştırılaçaq Gälibolu uyınnarınıň fakelı da Canberradağı Suğış muzeyı aldında qabızıp cibärelgän.
Gälibolu yarımutrawında başlanaçaq uyınnarda Törkiyä, Awstraliya, Yaňa Zelandiya, Frantsiya, Hindıstan, Germaniya häm Angliyadan sportçılar törle kategoriyalärdä köç sınaşaçaq.
