Yaňa patşadan açıqlaw
Bar dönyadan qayğı belän urtaqlaşu yullamaları kilä
Soğud Ğaräbstanı patşası Abdullahnıň üleme belän patşa bulğan Sälman bin Abdülaziz yasağan berençe açıqlawında berdämlek yullamasın yasağan.
Patşa Sälman tübändägeçä däwam itkän: “İl qorılğannan könnän bügengä qadär barğan yuldan baraçaqbız. Saflarnı tığızlaw, berlek häm berdämlekne saqlaw, ömmätebezneň mänfäğatlären qayğırtu mäs’äläsendä ğayrät kürsätaçäkbez,” – digän.
Bu waqıtta Eçke eşlär ministrı, prints Möxämmäd bin Nayifnıň ikençe täxet warisı buluı belderelgän.
Dönyadan isä patşa Abdullah bin Abdulaziz äs Suudnıñ üleme belän bäyle qayğı belän urtaqlaşu yullamaları kilä.
Baxreyn häm Yordaniyada 40, Fälästin häm Berläşkän Ğaräp Ämerleklärendä 3, Paqıstanda 1 könlek matäm iğlan itelgän.
Fälästin däwlät başlığı Mäxmüt Abbas ta patşa Abdullahnıň Fälästinlelär yanında buluın äytkän.
İran cänaza cıyınında Tışqı eşlär ministrı Cäwat Zarif tarafınnan wäkillek iteläçäk.
Amerika Quşma Ştatları däwlät başlığı Barack Obama isä yasağan yullamasında märxüm patşa Abdullahnıň ike il arasındağı mönäsäbätlärgä, Yaqın Könçığıştağı totrıqlılıq häm iminlekkä birgän ähämiyäten assızıqlağan.
Obama Amerikan vitse-prezidentı Joe Bidennı R,yadtağı cänaza cıyınına cibärgän.
Angliya Premyer-ministrı David Cameron patşa Abdullahnıň tınıçlıq häm mädäniyätlärara dialogka bulğan ışanıçı belän iskä alınaçağın beldergän waqıtta Frantsiya däwlät başlığı François Hollande patşanıň tarixta üz ezen qaldırğan lider itep taswirlağan.
Patşa Abdullahnıň ülem xabäre Şveytsariyada uzuçı Davos cıyılışlarına da tä’sir itkän. Bügen comğa könne çığış yasawı kötelgän Yordaniya patşası Abdullah säfären qısqartıp, Riyadka kitkän. Küp sandağı wäkillek tä cänaza cıyınında qatnaşır öçen Davostan kitep barğan.
Hindıstan, Paqıstan, Qıtay, Filippinnar, Yaponiya ber-ber artlı qayğı belän urtaqlaşu yullamaların yasağan.
Soğud Ğaräbstanı xalqı da sotsial’ mediada “atabıznı yuğalttıq” açıqlawın yasağan.
Patşanıň ülem xäbärennän soň dönyadağı neft citeşterüneň 10%ın tä’min itüçe Soğud Ğaräbstanında miçkä bäyäläre 1 dollar tiräse kütärelgän.
