"Eboladan qurqıp xastaxanägä kitmilär"

Bötendönya sälamätlek saqlaw oyışması süzçese Tarik Jasareviç ebola kizüe küzätelgän Könbatış Afrika illärendä keşelärneñ bizgäk yäisa başqa çirläre bulsa da ebola virusı yoqtırudan qurqıp xastaxanägä kitargä telämäwlären beldergän.

Jasareviç ebola virusınnan meñnärçä keşeneñ ğomere özelgän Gvineya, Liberiya häm Syerra-Leoneda şaqtıy xastaxanä häm meditsina üzägeneñ yabıq buluın citkergän.

Könbatış Afrikanıñ öç ilendä xäzege köngä qadär 20 meñ keşedä ebola virusı tabılğan häm kizüdän ülüçelar sanı 7 meñ 699ğa citkän.

Bötendönya sälamätlek saqlaw oyşması ebola virısınıñ bizgäkkä qarşı köräş barışına da zur zıyan kiterüen , ebola kiñ taralğan Könbatış Afrikanıñ 3 ilendä meditsina üzäkläre yabıq bulu näticäsendä bizgäkne däwalawnıñ totqarlanuına basım yasağan.

Bizgäkne däwalamaw näticäsendä anıñ belän awıruçılar sanınıñ artuı häm xastalıqnıñ ebola virusınnan tağın da kübräk ülemgä säbäp bula aluı borçuğa sala.