Patşa Abdullah: "Terrorğa qarşı ğäräp-islam koalitsiyası"
Yordaniya patşası Abdullah: "Terrorçılıq belän köräş öçen ğäräp illäre arasında koalitsiya tözelüe”neñ zarurlığın beldergän.
155783
Patşa Abdullah ildäge häm töbäktäge täräqqiyätlärne söyläşü öçen elekke premyer-ministrlarnı qabul itkän çaqta yasağan çığışında: "Terror ideologiyäsen yörtüçe oyışmalar Süriyä häm Ğiraq belän genä çiklänmäyäçäk, başqa ğäräp häm dönya illärenä dä taralaçaq", - dip äytkän.
Abdullah ğäräp xalıqlarınıñ terrorçılıq qurqınıçı beterelgän çaqta Fälästin mäs'äläse belän bergä başqa problemaları belän dä şöğillänü mömkinlegen taba alaçağın beldergän.
Patşa Abdullah: "Ğäräp-İslam illäreneñ bu qısadağı wazıyfası – terror oyışması belän köräş öçen İslamnıñ tüzemlelek, ğädälät häm tınıçlıq, sabırlıq nigezlärenä tayanğan kiñ qolaçlı häm strategik ısul, metod östendä eşläw", - dip äytkän.
Yordaniya Patşası terrorçılıq häm çiktän tışlılıq yaqlı fikerlär belän köräşneñ qısqa möddättä xärbi, ozaq möddättä isä ideologik köräş buluın assızıqlap äytep uzğan.
