Awstraliyadä totıqlar krizisı
Sidneydagı ber kafeğä irtänge säğätlärdä kergän, eşçelärne häm kliyentlarnı totıq itep alğan höcümçelärneñ 2 keşe buluı belderelgän.
Awstraliyadä totıqlar krizisı.
Sidneydagı ber kafeğä irtänge säğätlärdä kergän, eşçelärne häm kliyentlarnı totıq itep alğan höcümçelärneñ 2 keşe buluı belderelgän.
Politsiya totıqlarnı irekkä cibärüläre öçen höcümçelär belän elemtägä kergän.
Qorallı buluı belderelgän höcümçelärneñ başlarına ğäräpçä yazılğan tasma kiyep häm ğäräpçä yazular bulğan bayraqnı täräzägä elep quyuları kürelgän.
Awstraliya matbuğatı bu waqiğa Äl Nusra tarafınnan eşlängän dip beldersä dä, bu däğwa räsmi zatlar tarafınnan älegä döreslänmägän.
Xäzerge waqıtta höcümçelärneñ yaqınça 40 keşene totıq itep totuı belderelä.
Totıqlardan 5eseneň yanğın işegennän qaçıp qotıluı belderelgän.
Awstraliya premyer-ministrı Tony Abbott: “Maqsatları barı tik – qurqıtu. Awstraliya – tınıç maqsatlı häm ışanıçlıdır, Awstraliyalelär tormışlarına däwam itsennär,” - dip açıqlağan.
Awstraliya milli imam şurası da açıqlağan beldergedä waqiğanı ğayepläwen assızıqlağan.
