Ministrnıñ ülem säbäbe bilgelängän

Çärşämbe könne Fälästinneñ Ramallah şähärendä İzrail xärbiläre ütergän “Fälästin azatlıq” oyışmasına bäyle Yähüd bistäse häm ayıru divarı belän köräş komissiyäse başlığı Ziyad Äbu Aynnıñ ülem säbäbe bilgelängän.

Ziyad Äbu Aynnıñ "bärü, küz dımlandıruçı gaz häm İzrail xärbiläreneñ waqıtında xastaxanägä citkerelüenä kirtä buluı” näticäsendä ğomereneñ özelüe belderelgän.
Äbu Ayn salınğan Ramallah däwlät xastaxanäse aldında cıyılğan fälästinlelär, qullarında ministrnıñ fotoräsemnären kütärep, waqiğağa rizasızlıq beldergän.

Fälästin grajdanlıq eşläre ministrı Xösäyen äş-Şäyex, “Fälästin awazı” radiosına yasağan açıqlawında Fälästin, Yordaniya törkemnäre belän bergä ber İzrail tabibı da bulğan wäkillek yasağan autopsiya näticäsendä Äbu Aynnıñ "üterelüe” näticäsenä kilenüen beldergän.