Aso yanartawı canlanğan

Yaponiyada urnaşqan dönyanıň iň zur vulkannarınnan bulğan Aso 22 yıldan soň qabat borçu uyata.

Yaponiyanıň Meteorologiya agentlığı Kyuşu utrawında urnaşqan yanartawnıň ber çaqrım biyeklekkä köl, gaz häm qaynar qıya çäçrätüen açıqlağan.

Vulkandağı şartlaw arqasında oçqıç säfäräre ğamäldän çığarılğan.

Başqala Tokionıň meň çaqrım könyaq könbatışında urın alğan meň 592 metr biyeklegendäge yanartawda 22 yıl buyı berençe tapqır bu qadär köçle şartlaw barlıqqa kilgän.

Aso dönyanıň iň zur yanartawlarınnan berse bularaq qabul itelä.

“Tın Okean ut yalqını” cirteträw häm vulkan qamawında urın alğan Yaponiyada 118 aktiv yanartaw bar.

Tokionıň könbatışındağı Ontake vulkanında sentyabr ayında barlıqqa kilgän şartlawlarda 50 tiräse keşeneň ğomere özelgän ide.