"Ğiraq-Dimäşk" terror oyışması liderı ütereldeme?
Hawadan höcümnärdä terror oyışmasınıň lider kadrı maqsat itep alındı
Amerika Quşma Ştatları citäkçelegendäge xalıqara koalitsiya Ğiraqta oyıştırğan hawadan höcümnärdä terror oyışmasınıň lider kadrın maqsat itep aldı.
“Ğiraq-Dimäşk” terror oyışması liderı Äbubäker Äl Bağdadineň ülüe äytelde, läkin Amerikan Saqlanu ministrlığınnan ber räsmi zat bu xäbärne döresli almawların belderde.
Amerikan saqlanu ministrlığınnan yasalğan açıqlawğa kürä koalitsiya oçqıçları Musul yanında terror oyışmasınıň lider kardı utırğan 10 maşinalık ber konvoyğa ut açtı.
“Äl Arabia” televideniyesı “Ğiraq-Dimäşk” terror oyışması liderı Bağdadineň yaralanuın citkergän waqıtta Ğiraqta cirle ber televideniye Bağdadineň ber yärdämçeseneň ülüen belderde.
Amerikan räsmi zatları isä konvoyğa yünälgän höcüm xäbären döresläde, läkin Bağdadineň konvoyda bulıp bulmawınıň bilgesez buluın citkerde.
Höcümdä distälärçä terror oyışması suğışçısınıň ülüe häm yaralanuı citkerelä.
Amerika Quşma Ştatları Bağdadi başı öçen 10 million dollar külämendä aqçalata büläk ayırıp quydı.
Xalıqara koalitsiya Anbar töbägendä Äl Kaim şähärçegenä dä hawadan höcüm oyıştırdı.
Şahitlar “Ğiraq-dimäşk” terror oyışması liderları cıyılış ütkärgän ber öyne maqsat alğan höcümdä 15 keşeneň ülüen, 31 keşeneň yaralanuın citkerde.
Höcümnän soň suğışçılar arasında zur panikanıň çığuı, şähärçekkä kerep çığunıň tıyıluı belderelde.
Bu waqıtta Bagdat häm tirä-yağında şiğıylärne maqsat itep alğan bombalı höcümnärdä 43 keşeneň ğomere özelde.
