Ebola arqasında Afrikanıñ könbatışındağı illär qıyın xäldä
Syerra-Leoneda awıl xucalığında eşlärgä keşe yuq, igen basularında uñış cıyılmıy, awıllar buşap qalğan
163805
Afrikanıñ könbatışındağı illär ebola arqasında bik awır könnär kiçerä.
Syerra-Leoneda awıl xucalığında eşlärgä keşe yuq, igen basularında uñış cıyılmıy, awıllar buşap qalğan.
Xalqınıñ zur öleşe karantinda bulğan Liberiya da xalıqara cämäğätçelektän yärdäm sorağan.
Ebola virusınnan ülüçelär sanı yaqınça 5 meñgä citkän.
Bötendönya sälamätlek saqlaw oyışması ülemnärneñ küpçelegeneñ belderelmäwen , çınbarlıqta bu kürsätkeçneñ 12 meñ tiräse buluı turında uylıy.
Liberiyada karantin töbäklärendä azıq-tölek qıtlığı da küzätelä.
Karantinda bulğan töbäklärne barrikadalar belän izolyatsiyälärgä teläsälär dä aç qalğan keşelärneñ aşarğa ezläp bu töbäklärdän çitkä çığuı belderelä.