Nigeriyada qorallı höcüm
Höcümdä 30dan artıq keşeneň ğomere özelde
133760
Boko Haram oyışması ilneň tönyaq könçığışındağı Mainok şähärçegenä qorallı höcüm oyıştırdı. Höcümdä 30dan artıq keşeneň ğomere özelde.
Çärşämbe könne isä Kano şähärendä ber mäktäpkä oyıştırılğan höcümdä, kim digändä, 15 keşe yaqtı dönyadan kitkän ide.
Nigeriya berençe itep ilneň tönyaq könçığışında barlıqqa kilgän häm qısqa waqıtta başqala Abuja belän ilneň här poçmağına cäyelgän Boko Haram oyışması belän köräşä.
Soňğı 5 yılda meňnärçä keşeneň ğomeren özgän oyışmanıň qırıslığınnan qaçqan millionnarça ğayepsez keşe öylären taşlap kitte.
Borno, Yobe häm Adamawa vilayätlärendä 2013nçe yılnıň may ayında Boko Haram arqasında iğlan itelgän ğadättän tış xäl däwam itä.