Ebola kizüennän ülüçelär sanı arta

Könbatış Afrikada zur tizlek belän taraluçı ebola kizüennän ülüçelär sanı artqannan arta bara.

Demokratik Kongo cömhüriyätendä dä älege xastalıqtan 18 keşeneñ ğomere özelde.

İldä eboladan ülüçelär sanı 31 gä citte.

Ebola Könbatış Afrikada xäzerge köngä qadär 1568 keşeneñ ülemenä säbäpçe buldı.

BMOnıñ Azıq-tölek häm igençelek oyışması Afrikadağı ebola kizüeneñ uñışqa da zıyan kiterüen häm näticädä azıq-tölek bäyäläreneñ kütärelüen belderde.

Berläşkän Millätlär Oyışmasınıñ Bötendönya azıq-tölek programması belän Azıq-tölek häm igençelek oyışması ebola tiskäre yoğıntı yasağan 1 million yarım keşegä 65 meñ tonna aşığıç azıq-tölek yärdäme kürsätü qararı qabul itte.