Qıtayda cir şuışuı

Qıtaynıñ könyaq könbatışında barlıqqa kilgän cir şuışuında 15 keşeneñ ğomere özelde.

Ber awılnıñ zur öleşen yuqqa çığarğan cir şuışuında 77 öy cimerelde.

Guizhou vilayäteneñ Fuquan şähärenä bäyle ber awılda barlıqqa kilgän afättä 22 keşe yaralandı.

Qotqaru törkemnäre cir astında qalğan 8 keşene tabarğa tırışa.

Yäşlär şähärlärgä küçep kitkännäre öçen awılda yäşäwçelärneñ kübese olı yäştägelär häm bala-çağalarnıñ buluı belderelde.

Cir şuışuı barlıqqa kilgän Guizhou vilayäte tekälege belän belenä.

Geografik strukturası arqasında töbäktä eroziya häm cir şuışuları yış räweştä küzätelä.