Möselmannarnıñ iminlege qurqınıç astında

Berlinnıñ Kreuzberg bistäsendä urnaşqan Mäwlana mäçetenä ut tertelüe töreklär arasında reaktsiyağa säbäp buldı.

Mäwlana mäçetendä oyıştırılğan çarada höcüm gäyeplände. Höcümne gäyepläwçe keşelärdän berse möselman bulğan alman İman Andrea Reimann ide.

Reimann matbuğat belderüen Berlin Aziziyä mäçete imamı İdris Kahraman belän bergä yasadı.

Almança çığış yasawçı Möselmannar berlege başlığı iman Andrea Reimann Mäwlana mäçete yanğınınıñ ut tertü näticäsendä çığuınıñ politsiya tarafınnan raslanuın häm zararnıñ 1 million yevrodan kübräk buluın äytte.

Monıñ Germaniyada mäçetlärgä oyıştırılğan iñ zur höcüm buluına basım yasawçı Reimann alman mediasınıñ bu waqiğağa kiräkle ähämiyätne birmäwen belderde.

Reimann oxşaş höcümnärdän soñ Berlindağı mäçetlärneñ häm möselman bularaq üzläreneñ iminlekläreneñ qurqınıç astında buluın assızıqladı.

Berlin Aziziyä mäçete imamı Hatibi İdris Qahraman isä mäçetlärdä möselmannarğa daimi räweştä yaxşılıqnı, tüzemlelekne häm integratsiya añlayışı belän yäşäwne öyrätülären äytte.