"Kileşü öçen sanktsiyälär beterelergä tiyeş"

İran Tışqı eşlär ministrı Möxämmäd Cävad Zarif sentyabr ayında 5+1 illäre belän ütkäreläçäk atom-töş söyläşülärendä kileşügä ireşelüe öçen Berläşkän Millätlär Oyışması İminlek Şurası tarafınnan qullanılğan sanktsiyälärneñ ğämäldän çığarıluı zarurlığın äytte.

“Mähr” xäbär agentlığı beldergänçä, Zarif sentyabr ayı başında Awrupa Berlege tışqı eşlär yuğarı wäkile Catherine Ashton belän ütkäräçäk söyläşüneñ älegä töğäyen bilgele bulmawın assızıqladı.

Zarif 5+1 illäreneñ çikläwlärne beterü wäqäläteneñ bulmawın, fäqät bu illärneñ Berläşkän Millätlär Oyışması İminlek Şurasına möräcäğät itep, sanktsiyälärneñ ğämäldän çığarıluına qağılışlı birgän yöklämälärenä bäyle buluı zarurlığına basım yasadı.

İran belän 5+1 illäre arasındağı söyläşülärneñ sentyabrdä ütkäreläçäk Berläşkän Millätlär Oyışması ğomum şurası (general assambleyası) aldınnan häm utırışlar waqıtında uzdırıluı kötelä.