Ğazzädäge utnı tuqtatu ber täwlekkä ozınaytıldı

Fälästin häm İzrail Misırda däwam itüçe söyläşülärdä Ğazzädäge utnı tuqtatunıñ tağın ber täwlekkä ozınaytıluı mäs’äläsendä kileşte.

Qarar tönlä 5 könlek utnı tuqtatunıñ azağına yaqınlaşuına 1 säğat qala qabul itelde.

Hamasnıñ säyäsi byurosınnan İzzät äl Reşak Misır başqalası Qahirädäge söyläşülärneñ tögälläna aluı öçen Ğazzädä utnı tuqtatunıñ tağın ber täwlekkä ozınaytıluın açıqladı.

Ozınaytu qararı Misır häm İzrail tarafınnan da raslandı.

Monnan alda Hamasnıñ raketa höcümnäre däwam itkän oçraqta İzrail köçläreneñ qırıs cawap qaytaraçağın äytkän İzrail Premyer-ministrı Binyamin

Netanyaxu bu tapqır utnı tuqtatu waqıtı betkäç İzrail armiyaseneñ köçle operatsiya öçen äzer buluın iskärtte.