Ğazzädä 3 köngä ut tuqtadı

Utnı tuqtatır aldınnan İzrail Ğazzäne bombalarğa däwam itterde. Ülüçelär sanı meñ 400dän arttı.

İzrail höcümnäre waqıtında 58 ğaskäriyen yuğalttı.

Utnı tuqtatu comğa könne irtänge 08.00dän başlap ğamälgä kerde häm 72 säğat däwam itäçäk.

Berläşkän Millätlär Oyışması ğomüm särqätibe Ban Ki-Moon häm AQŞ däwlät särqätibe John Kerry İzrail belän Hamas arasında 3 könlek utnı tuqtatu mäs’äläsendä kileşüneñ tä’min itelüen citkerde.

Ban häm Kerry yasağan urtaq yazulı açıqlawda Berläşkän Millätlär Oyışması wäkile häm maxsus koordinator Robert Serrynıñ taraflardan 3 könlek şartsız utnı tuqtatu mäs’äläsendä garantiya aluı belderelde.

Açıqlawda bu barışta taraflarnıñ xärbi xäräkäteneñ tuqtayaçağı citkerelde.

Urtaq açıqlaw tübändägeçä yañğırıy: “Bu barışta Ğazzädä yaşäwçe tınıç xalıq mäyetlärneñ cirlänüe, yaralnuçılarnıñ däwalanuı häm azıq-tölek zapasın cıyu kebek möhim ixtıyacların qanäğatländerä alaçaq. Ayıruça, su häm elektr belän tä’min itüçe qorılmalarnıñ tözekländerelüe dä bu barışta däwam itäçäk.”