Malayziya: "Mäyetlärne alu öçen suğışçılarnıñ şartları ütälde"

Ukrainada 2 atna elek bärep töşerelgän Malayziya oçqıçı belän bäyle säyäsi bäxäslär däwam itkän bulsa, Malayziya Premyer-ministrı Näcip Räzak Hollandiyağa (Niderlandqa) barırğa buldı.

Malayziya Premyer-ministrı oçqıçnıñ niçek bärep töşerelüenä qağılışlı tikşerüne alıp baruçı 30 keşelek törkemneñ waqiğa urınına barıp citüe häm iminlege belän bäyle neçkäleklärne söyläşaçäk.

Rezak ayıruça mäyetlärne alu öçen oçqıç qaldıqları urnaşqan töbäkne üz kontrole astında totuçı Rusiyä yaqlı suğışçılar alğa sörgän şartlarnıñ ütälüen belderde.

Şul arada oçqıçnıñ bärep töşerelüennän Rusiyäne cawaplı totuçı Amerikan citäkçelege Mäskäwgä qarşı çikläwlärneñ arttırıluı mäs’äläsen Awrupa Berlege häm G7 illäre belän söyläşä.

Amerika Quşma Ştatları Vitse-prezidentı Joe Biden, Ukrainanı totrıqsızlaştırırğa tırışqan Rusiyäneñ cawapsız räweştä xäräkät itüen belderep, bu sanktsiyälärneñ kiñäytelä alınaçağın assızıqladı.

Aq Yort, oçqıç bärep töşerelgännän birle iñ kisken açıqlawın yasap, Rusiyä Federatsiyäsen separatistlarğa raketa birüdä gäyepläde.

Şul uq waqıtta töbäktä mäyetlärne çığaru häm oçqıç qaldıqların tikşerü eşçänlege bäreleşlär astında ütkärelä.

Oçqıçnıñ 1 qara tartmasınıñ tabıluı häm tikşerüga alınaçağı xäbär itelä.