İzrail küpläp üterüe däwam itä

Hamasnıň Qatardağı säyäsi liderı Xalit Meşal İzrailneň Ğazzä östendäge 8 yıllık blokadasınıň beterelüen häm Misırnıň da Refah çik buyı qapqasın açuın soradı.

İkençe yaqtan İzrail Fälästinlelärne üterergä däwam itterä.

Pänceşämbe könne Ğazzädä Berläşkän Millätlär Oyışması mäktäbenä ut açqan İzrail armiyase tönlä Yordannıň könbatış üzänlegendäge Fälästinle protestçılarğa qatışqan waqıtta 3 Fälästin keşeseneň ğomeren özde.

Ülgän Fälästinlelär sanı 815kä citte.

Xalıqara oyışmalardan İzrailğa yünälgän ğayepläw kötkän waqıtta İzrail armiyase ul oyışmalarnıň iň zurısına bäyle ber mäktäpkä ut açtı.

Berläşkän Millätlär Oyışmasınıň Fälästinle qaçaqlarğa yärdäm kürsätü oyışmasınıň Ğazzädäge mäktäbe İzrail oçqıçlarınıň maqsatına äylände.

Höcümdä kübese bala-çağa bulğan unnan artıq keşe yaqtı dönyadan kitte, kim digändä, 200 keşe yaralandı.

Ğazzädäge küpläp üterüne protest itüçe Fälästinlelärgä İzrail xärbiläre qatıştı. Yordannıň könbatış üzänlegendä barlıqqa kilgän waqiğada 3 Fälästinleneň ğomere özelde.

Hamas Ğazzäneň törle töbäklärendäge bäreleşlärdä 8 İzrail ağskäreneň ülüen açıqladı.

Utnı tuqtatu tırışlıqlarında isä ömetlär könnän-kön azaya bara. AQŞ däwlät departamentı däwlät särqätibe John Kerrynıň utnı tuqtatu belän bäyle ömetläreneň azayuın häm töbäktän kitäçägen açıqladı.

Hamasnıň säyäsi liderı Xalit Meşal isä Ğazzädäge blokada beterelmiçä utnıň tuqtamayaçağın äytte.

Bu da Ğazzä xalqınıň tağın beraz bombalaw astında yäşäyäçäklären aňlata. Çönki İzrail Ğazzägä yünälgän blokadanı betermäyäçägen här forsatta citkerä.