Ğiraqta yaňa ilbaşı
Möxämmäd Fuad Mahsum 269 xalıq ışanıçlısınnan 211eneň tawışın aldı
Körd törkemnäreneň urtaq ilbaşı namzäte Möxämmäd Fuad Mahsum 269 xalıq ışanıçlısınnan 211eneň tawışın alıp, Ğiraqnıň yaňa däwlät başlığı buldı.
Ğiraqta yazulı bulmağan kileşügä kürä ilbaşı kördlärdän, Parlament başlığı sönni ğaräplärdän, premyer-ministr isä şiğıy ğaräplärdän saylana.
Möxämmäd Fuad Mahsum 1992nçe yılda qorılğan berençe Regional’ Körd citäkçelege Parlamentında kabinet başlığı wazifasın başqardı.
Mahsum 2005nçe yılda da Ğiraq Parlamentına xalıq ışanıçlısı bularaq kerde.
İlbaşı saylawına berniçä säğat qala Bagdatnıň tönyağındağı Taci şähärçegendä qan qoyıldı.
Höcümdä 52 totqın belän 8 ğaskäri yaqtı dönyadan kitte, 15 keşe yaralandı.
Bu waqıtta Berläşkän Millätlär Oyışması ğomüm särqätibe Ban Ki-Moon Bagdatta Premyer-ministr Nuri Äl-Maliki belän küreşep söyläşte.
Ğomüm särqätip “Ğiraq Dimäşk İslam Däwläte” oyışması yanawın Ğiraqlı räsmi zatlar belän qaradı.
May ayınnan birle qorıla alınmağan xökümätne säyäsi törkemnär kileşergä çaqırdı.
