Käğbädä yanğın

Soğud Ğäräpstanınıñ Mäkkä şähärendä Mäscid-i Haramnıñ kiñäytü proyektı qısalarında Käğbäneñ tözeleş mäydanındağı eşlär waqıtında yanğınnıñ kilep çığuı xäbär itelde.

Soğud Ğäräpstanınıñ SPA räsmi xäbär agentlığınıñ Mäkkä grajdanlıq (sivil) saqlanu idaräse matbuğat süzçese Salih äl-Ulyanineñ açıqlawına tayandırıp birgän xäbärendä Haräm-i Şärifne kiñäytü eşçänlege qısalarında montajlanğan ağaçlarnıñ yana başlawı näticäsendä kilep çıqqan yanğınnı yanğın sünderü törkemnäreneñ waqıtında sünderüe belderelde.

Yanğın kilep çıqqan urınnıñ Käğbädä namaz uqılğan öleştän ayırım buluı assızıqlanğan xäbärdä Grajdanlıq (sivil) saqlanu mödire Salih bin Abdullahnıñ waqiğa urınına baruı äytelde.

Şul uq waqıtta Soğud Ğäräpstanındağı “Qızılay” cämğiyäteneñ Mäkkä räsmi süzçese Ali Abdullah äl-Gamidi yanğında yaralanğan 14 keşedän xäle awır bulğan 3eseneñ Mäkkäneñ Şişä bistäsendäge Patşa Faysal xastaxanäsenä salınuın belderde.