Ğazzä höcümendä ülüçelär arta bara

İzrailneñ Ğazzägä qarşı 5 kön inde alıp barğan höcümnärendä ülüçelärneñ sanı 120dän kübräk buldı.

İzrail Premyer-ministrı Benyamin Netanyahu xalıqara basımğa qaramastan höcümnären däwam itteräçäklären belderde.

Netanyahu ciröste xäräkäte variantınıñ da östäldä buluın assızıqladı.

“Hamas” süzçese isä yuğaltaçaq äyberläreneñ bulmawın, soñğı sulışlarına qädär üzlären yaqlayaçaqların äytte.

Ğäräp dönyasınıñ höcümnärgä tawışsız qaluın tänqitläwçe süzçe: "Törkiyä härwaqıt häm iqtisadi häm diplomatik bularaq bezne yaqlawçı illärdän berse. Xäzer dä qabat yaqlawların kötäbez,” – dip äytte.

Ğäräp ligası tışqı eşlär ministrları Fälästin citäkçelegeneñ çaqıruı nigezendä düşämbe könne çirattan tış cıyılaçaq.

Berläşkän Millätlär Oyışması İminlek Şurasında da tınıç xalıqqa qarşı höcümnärne gäyepläwçe qarar ölgese östendä eşçänlek alıp barıla.