Tayfunda ülüçelär sanı 3kä citte

Yaponiyada soñğı 10 yılda küzätelgän iñ köçle tayfun Neoguri säğatenä 126 çaqrım tizlek belän ilneñ könçığışına taba yul aldı.

Kiterep çığarğan su basu häm cir şuışularda ülüçelär sanı 3kä citte, su dulqınnarı 10 metrdan uzdı.

Berençe itep Okinowa utrawında küzätelgän tayfun ilneñ könyağındağı iñ zur utraw bulğan Kyuşuğa kilep citte.

Läkin utrawdağı 2 atom-töş üzäk stantsiyaneñ zıyan kürmäwe belderelde.

Tayfun arqasında 600 meñ tiräse keşe evakuatsiyalänep, imin urınnarğa urnaştırıldı.

Tayfun ağaçlarnı cimerde, maşinalar su eçendä qaldı.

Töbäktä mäktäplär häm eş urınnarı yabıldı, diñgez yulı, timer yulı häm hawa yulı säfärläre ğamäldän çığarıldı.

Köçle yawım-töşem Nagiso şähärçegeneñ ber öleşen taş häm balçık astında qaldırdı.

Yılğalarnı taşıp çığarğan tayfunnıñ tizlege säğatenä 216 çaqrımnan 90 çaqrımğa töşte.