Süriyädä yänä qan qoyıldı
İlbaşı Äsädkä bäyle armiya köçläreneñ soñğı höcümnärendä 48 keşeneñ ğomere özelde
119075
Süriyädä qan qoyılu däwam itä.
İlbaşı Bäşar Äsädkä bäyle armiya köçläreneñ törle şähärlärdä oppozitsionerlar kontrolendäge töbäklärgä awır qorallar belän höcüm itüe näticäsendä 11 e balalar, 3 se xatın-qızlar, tuplam 48 keşeneñ ğomere özelde.
Bu xaqta Süriyä Keşe xoquqları oyışması belderde.
Süriyä cirle koordinatsiya komitetı armiya suğış oçqıçlarınıñ Xalebta oppozitsionerlar kontrolendäge rayonnarnı bombalawın , küp sanlı yortnıñ cimerelüen häm zıyan kürüen, Xalebnıñ sänäğät töbägendä rejim köçläre belän qorallı oppozitsionerlar arasında köçle bäreleşlär küzätelüen citkerde.
Süriyä räsmi xäbär agentlığı “SANA” iminlek köçläreneñ törle şähärlärdä oyıştırğan operatsiyälärdä küp sanlı qorallı törkemne tä’sirsez xälgä kiterüen belderde.
