BMOdan Urta Afrika Cömhüriyätenä yärdäm
Başqaladağı däwlät xezmätläreneñ yaxşırtıluı öçen aqçalata yärdäm kürsätelä
Berläşkän Millätlär Oyışmasısınıñ Qalqınu programması Urta Afrika Cömhüriyäteneñ başqalasındağı däwlät xezmätläreneñ yaxşırtıluı öçen 2,3 million dollar külämendä aqçalata yärdäm kürsätte.
Urta Afrika Cömhüriyätendäge Küp ülçämle integratsiya häm totrıqlılıq missiyasennän yasalğan yazulı açıqlawda Tınıçlıqnı urnaştıru fondı häm Dönya bankı belän Berläşkän Millätlär Oyışması Qalqınu programmasınıñ ildäge däwlät xezmätkärlärenä xezmät xaqın tüläw sistemasınıñ yaxşırtıluı öçen çaralar kürüe belderelde.
Bu räweşle, 3 meñ 417 politsiya häm jandarmeriya xezmätkäreneñ may-avgust ayları xezmät xaqınıñ tülänäçäge, Dönya bankınıñ isä däwlät xezmätkärlärenä xezmät xaqlarınıñ tülänüenä yärdäm itäçäge citkerelde.
Açıqlawda ildäge qırıslıqnıñ meñnärçä keşeneñ ğomeren özüen, yöz meñnärçä keşeneñ öylären taşlap kitärgä mäcbür itüenä, ildäge iminlek, däwlät avtoritetı häm xoquq östenlegeneñ tarqaluına säbäpçe buluı assızıqlandı.
