Ğiraqqa AQŞtan xärbi kiñäşçelär kilä

Ğiraqtağı “Ğiraq Dimäşq İslam däwläte” oyışması yanawına qarşı yasalaçaq adımnarnı citkerüçe Obama töbäkkä yaqınça 300 xärbi kiñäşçeneñ cibäreläçägen assızıqladı.

Xärbi berlekneñ Ğiraq iminlek köçlärenä öyrätü häm kiñäş birü xezmäten başqaraçağı belderelde.

Obama Amerikan ğäskäreneñ suğışuçı köç bularaq töbäkkä cibärelmäyäçägen qabatladı.

Ğiraqta küzläw eşçänlegeneñ arttırıluına basım yasawçı Obama Ğiraq xökümäte belän bergä tözelgän operatsiya üzägendä mäğlümatlär belän urtaqlaşıluın belderde.

Buluı mömkin operatsiyalar turında da mäğlümat birüçe Obama zarur bulğan oçraqta başqarıluı öçen maqsatlı häm bilgele ber xärbi qatışu öçen äzerlek yasaluın äytte.

Bu qarar belän bergä hawa köçläreneñ yärdäme belän höcüm variantınıñ älegä ğämäldä bulmawı añlatması yasaldı.
Amerikan İlbaşı Ğiraqtağı citäkçelek krizisına da iğtibarnı yünältte, berdämlek çaqıruın yasadı.

Maliki xökümätenä möräcäğät itüçe Obama Ğiraq liderlarınnan üzaralarındağı ayırılıqnı beterep, säyäsi plan tiräsendä cıyıluın teläde.

Waşingtonnıñ diplomatik tırışularnı äydäp baraçağına basım yasawçı Obama Amerika Quşma Ştatları däwlät särkätibe John Kerryneñ atna axırında Yaqın Könçığış häm Awrupada söyläşülär ütkäräçägen belderde.

Tähran citäkçelegenä dä çaqıru yasawçı Barack Obama bu barışta İrannıñ konstruktiv rol’ne üz östenä ala alaçağın assızıqlap äytep uzdı.

Obama İrannıñ mäzhäbkä nigezlängän kiyerenkelekne arttıruçı adımnardan taypıluın teläde.