ĞDİD alğa taba bara, ğiraqlılar qaça
“Ğiraq Dimäşq İslam däwläte” oyışması Musuldan soñ küp sanda töbäkne basıp aldı
Musuldan soñ alğa taba baruın däwam itüçe “Ğiraq Dimäşq İslam däwläte” oyışması (ĞDİD) suğışçılarınıñ küp sanda töbäkne basıp aluı belderelä.
Terror oyışması basıp alğan urınnarda Ğiraq ğäskärenä qarağan möhim xärbi saqlağıçlarnı da üz kontrolenä aluı häm biredän Süriyägä dä xärbi kiräk-yaraqlarnı cibärä alaçağı belderelä.
“Ğiraq Dimäşq İslam däwläte” oyışmasınıñ xäräkäte arqasında yöz meñnärçä keşe qaçıp kitär öçen yullarğa çıqtı.
Ğiraq parlamentınıñ pänceşämbe könne çirattan tış cıyılıp, Premyer-ministr Nuri Äl Malikineñ ğädättän tış xäl iğlan itelüe çaqıruın tikşeräçäge belderelä.
Şul uq waqıtta Ğiraqnıñ başqa töbäklärendä dä qırıslıq waqiğaları xökem sörä.
Bağdat häm Basrada oyıştırılğan bombalı höcümnärdä 20 keşeneñ ğomere özelgän.
Bağdatta Sadr töbägendä intixar höcüme näticäsendä 16 keşe, Basrada da ber maşinadağı şartlaw näticäsendä 4 keşe häläq bulğan.
