Saylawnıñ ciñüçese-Äsäd

Süriyädä 3 nçe iyün könne ütkärelgän ilbaşı saylawınıñ näticäläre bilgele buldı.

Parlament başlığı räsmi bulmağan näticälärgä kürä , Bäşar Äsädneñ 88,7% tawış cıyıp, saylawda ciñügä ireşüen belderde.

Parlament başlığı saylawda qatnaşu däracäseneñ 73,42% buluın däğwa itte.

Awrupa Berlege saylawnıñ legal bulmawın belderde.

Awrupa Berlegeneñ tışqı eşlär häm iminlek säyäsäte yuğarı wäkile Catherine Ashton saylawnıñ Süriyädäge problemağa çişeleş tabu yünäleşendäge säyäsi tırışlıqlarğa zıyan kiterüen assızıqladı.

Ashton:”3 nçe iyündä ütkärelgän saylaw demokratik tügel”,-dide.

İldä 150 meñnän kübräk keşeneñ ülemenä, 6 million yarım keşeneñ yäşägän cirlären taşlap kitüenä häm 2 million yarım keşene qaçaq xälenä töşergän xärbi operatsiyälarneñ däwam itüen belderüçe Ashton, Süriyädäge barlıq saylawlarnıñ xalıqara cämäğätçelek üzara kileşkän säyäsi barış qısasında ütkärelüe kiräklegenä basım yasadı.