Süriyägä kürşe illär cıyılışı
Süriyägä kürşe illärneň bäyläneşle ministrları Yordaniyada cıyıla
Äsäd zolımı arqasında tuğan yaqların taşlap kitärgä mäcbür qalğan Süriyälelärneň sanı yıl azağına qadär 6 million yarımğa töşäçäge çamalana.
Süriyä xalqı sıyınğan kürşe illär östendäge cawaplılıq könnän-kön arta bara.
Bu arqada Yordaniyadağı Zaatari şähärçegendä Süriyädän qaçuçılarğa işeklären açqan illär Törkiyä, Yordaniya, Ğiraq, Misır häm Livan qatnaşqan cıyılış ütkärelä.
Törkiyäne Tışqı eşlär ministrı Äxmät Davutoğlu wäkillek itä.
Davutoğlu Yordaniya Premyer-ministrı Abdullah Ensour tarafınnan qabul itelgännän soň Zaatari şähärçegenä baraçaq.
Kürşe illärneň berençe cıyılışı 2013nçe yılnıň 4nçe sentäbr könne Jeneva şähärendä, ikençese isä ğinwar ayında Törkiyädäge Urfa Harran şähärçegendä oyıştırılğan ide.
Zaatari şähärçegendä 150 meň Süriyä keşese yäşi, läkin bu kürsätkeçneň tağın da yuğarı buluı belderelä.
