Ukrainada totıq krizisı
Xalıqara küzätüçelärneñ azat itelüe öçen söyläşülär alıp barıla
Ukrainanıñ könçığışında Rusiyä tarafdarları Awrupa İminlek häm Xezmättäşlek oyışmasınıñ totıq itep alğan 8 küzätüçedän bersen irekkä cibärde.
Şvetsiyalı küzätüçeneñ sälamätlek problemaları arqasında azat itelüe belderelde.
Slavyansk şähärendä Rusiyä tarafdarları totıq itep alğan xalıqara küzätüçelärneñ irekkä cibärelüe maqsatınnan çığıp söyläşülär alıp barıla.
Rusiyä tarafdarlarınıñ süzçese Şvetsiyalı küzätüçeneñ diabet xastası buluın, şuña kürä irekkä cibärelüen belderde.
Süzçe xäzergä qalğannarın azat itü niyätläreneñ bulmawın äytte.
Rusiyä tarafdarları qullarındağı Awrupa İminlek häm Xezmättäşlek oyışması küzätüçelären Ukrainanıñ qulğa alğannarı belän almaştırırğa teli.
Matbuğat aldına çığarılğan Awrupa İminlek häm Xezmättäşlek oyışması küzätüçeläre üzlärenä yaxşı möğämälä kürsätelüen, NATO şımçısı bulmawların äytte.
Slavyansktağı Rusiyä tarafdarları ayıruça Ukrainalı 3 ğäskärine totıq itep alğan, küzlären bäyläp matbuğatqa kürsätkän ide.
Şul uq waqıtta Donetsk qalasında Rusiyä tarafdarları däwlät televideniye binasın basıp aldı.
Ukraina uzğan ayda urısça tapşırular alıp baruçı kanallarnı yapqan ide.
