Dön’ya matbuğatına küzätü 18.08.2021

France 24 televideniyese citkergänçä Franŝiyada sişämbe könne yaqınça 2 meñ koronavirus xastası reanimaŝiyağa salındı. Bu iyun’ ayı urtasınnan bügengä qadär kürelgän iñ yuğarı kürsätkeç buldı.    

“Le Figaro” basması yazğança Şveyŝariya xalıq sanınıñ yartısınnan artığı Kovid-19ğa qarşı vakŝina qadattı.

“Le Monde” beldergänçä Franŝiyaneñ Var töbägendä çıqqan urman yanğınnarı tulısınça sünderelmäde.

“Eldustour” gazetı Rusiyäneñ koronaviruska qarşı 5nçe vakŝinasın açıqlawın yaza“Elraya” xäbärenä kürä Qatar Ämire Temim bin Xamad es-Sani häm Germaniya Kanŝlerı Angela Merkel’ Äfğanstan mäs’äläsen söyläşte.

“Elquds Elarabi” basması citkergänçä Qatar Taliban wäkillege belän küreşep, Äfğanstanda kileşü häm kiñ qırlı çişeleş tabu zarurlığın assızıqladı.

İspaniyaneñ “El Pais” gazetı yazğança Peruda ilbaşı Pedro Kastil’o bilgelägän tışqı êşlär ministrı Êktor Bejar 19 könnän soñ wazıyfadan kitte.

İspaniyada basıluçı “El Mundo” gazetı beldergänçä İspaniya prem’yer-ministrı Pedro Sançez vakŝinaŝiyadağı maqsatına citäkçelektäge kileşmäwçänlek arqasında ireşä almadı.  

TeleSur xäbär itkänçä Venesuêla däwlät başlığı Nikolas Maduro xökümät belän oppoziŝiyase arasında Meksika başqalasında uzğan söyläşülärdä tözelgän Dialognı xuplaw kileşüeneñ Milli mäcles tarafınnan raslanuın häm Räsmi gazetta basıluın soŝial’ media çeltärendä açıqlaw yasap qotladı.

Alman telendäge spiegel.de xäbär säxifäse yazğança Germaniya xökümäte Taliban belän turıdan küreşep söyläşäçäk. Germaniya Kabuldağı ileçelektän äfğan xezmätkärläreneñ êvakuaŝiyase öçen Taliban belän küreşergä teli.

Deutsche Welle media oyışması Germaniyada êş belän täêmin itüneñ qabat artuı turında yaza. İldä êşkä urnaşu kürsätkeçläre Kovid-19 krizisınnan soñ tuparlana başladı.  

“Süddeutschen Zeitung” basması Awrupa Berlegeneñ Äfğanstan belän bäyle açıqlawına urın birä: “Taliban belän küreşergä mäcbür qalaçaqbız.”  

Lenta.ru säxifäse yazğança Berläşkän Aviaŝiya şirkäte Mäskäw yanında töşkän İl-112B törendäge oçqıç êkipajınnan isän qaluçınıñ bulmawın rasladı.   

RİA Novosti agentlığı citkergänçä Rusiyädäge Kommunist partiyase Gosdumağa êlekke layıqlı yal yäşen qaytarunı üz êçenä aluçı qanun ölgesen täqdim itte.

Regnum agentlığı xäbärenä kürä Amerika Quşma Ştatlarınıñ êlekke ilbaşı Donal’d Tramp Rusiyäneñ Äfğanstanda qalğan Amerikan xärbi texnikasın ala alaçağın äytte.

Tatarstannıñ “Tatar-inform” mäğlümat agentlığı beldergänçä däwlät başlığı Röstäm Miñnexanov êş säfäre belän Qazaqstanğa kitte.