Dönya matbuğatına küzätü 10.08.2021

Katarda çığuçı “Äl-Raya Äl-Katariye” basması Törkiyädä urman yanğınnarınıň kübese sünderelde dip yaza.  

Omannıň “Äl-Vatan” gazetı Qıtaynıň koronavirus çikläwläre arqasında êşkärtelmägän neft’ bäyäläreneň töşüen xäbär itä.  

Ğıyraqnıň “Äl-Zeman” basması yazğança, Berläşkän Millätlär Oyışmasınıň klimat bozılu belän bäyle iň qurqınıç xisabı dönya kürde. Anda äytelgänçä, dönya bata, buıla.

“La Vanguardia” gazetı  xäbärenä qarağanda ,İspaniyädä yäşäwçelärneň 60% ı ike doza koronavirus vakśinası yasatqan.   

İspaniyädä çığuçı “El Mundo” basması Messidän baş tartqannan soň şokta bulğan Barselona 4 uyınçı öçen imzalar kötä dip citkerä.

Argentinanıň “Infobae “gazetı yazğança, Kanada häm YUNİSEF Kubağa ilneň sälamätlek saqlaw krizisın ciňeläytü öçen darular birde.

“Tagesschau.de” xäbärenä qarağanda ,Greśiya prem’yer-ministrı Kiryakos Miśotakis yanğın belän köräştäge uňışsızlığı öçen ğafu ütende.  

“DW” citkergänçä, Germaniya säyäxät assośiyaśiyäse yanğın töbäklärenä planlaştırılğan säyäxätlärne ğamäldän çığaru öçen möräcäğät’lär yuq diyärlek dip belderde.   

Germaniyäneň “Tagesspiegel” gazetı BMO xisabına qarağanda global’ cılınu 2030 nçı yılğa qadär 1,5 gradus limitın uzarğa mömkin dip yaza.

“TASS” agentlığı mäğ’lümatlarına qarağanda Rusiya berniçä Angliya watandaşınıň üzara mönäsäbät prinśibı nigezendä ilgä kerüen tıydı.

“RİA Novosti” xäbär itkänçä, Rusiya Federaśiyäse tışqı êşlär ministrlığı Tokiono Rusiya ilçelege aldındağı protestlarğa qarata ber närsä êşlämäwdä ğayepläde.

“Lenta.ru” Belarus’ ilbaşı Aleksandr Lukaşenko tizdän wazıyfasınnan kitäçägen xäbär itte dip citkerä.

“Le Figaro” gazetı xäbärenä qarağanda Amerika Quşma Ştatları üz watandaşlarına Kovid -19 arqasında Franśiyağa barmasqa kiňäş itä.

“France 24” xäbär itkänçä, koronavirus arqasında Martinikada “ikençe yabılu däwere” başlana, turistlarnı utrawdan kitärgä çaqıralar.

“Libération” gazetı Franśiya ilbaşı Êmmanuêl’ Makronnıň İrannıň yaňa ilbaşı İbrahim Reisine atom - töş êşçänleklären tuqtatırğa öndäde dip yaza.   

“Tatar-inform” mäğ’lümat agentlığı xäbär itkänçä, Tatarstanda bıyılnıň berençe 6 ayında 25 meňnän artıq keşe wafat bulğan. Bu uzğan yılnıň ğıynwar- iyüne belän çağıştırğanda 9,2%qa kübräk. Şul uq waqıtta Tatarstanda tuuçılar sanı 2,9%qa kimegän.