Dönya matbuğatına küzätü 23.06.2021

“France 24” xäbär itkänçä, Franśiyada ilbaşı saylawı 2022 nçe yılnıň 10 nçı häm 24 nçe   aprelendä ütkäreläçäk.

“Le Monde” gazetı  İtaliya bitlek kiyü mäcbürilegen beteräçäk dip yaza.

“Le Soir” basması yazğança, Bel’giyädä koronavirus vakśinasın açıqtan -açıq kire qaqqan vallonnar öçen bu ay axırında ikençe mömkinlek tuaçaq.  

“Stern.de” Germaniya kanślerı Angela Merkel koronavirus vakśinasınıň ikençe dozasın qadattı dip belderä.

“travelnews.ch” citkergänçä, Törkiyä turizm sezonın  ozaytırğa uylıy.

“Frankfurter Allgemeine Zeitung” gazetı  yazğança,Sośial Demokrat partiya mäktäplärdä çit tel bularaq törek häm grek tellären uqıtunı da taläp itä.  

“Eldustour” basması yähüd cirläşüçelär Äl-Äq’sa mäçetenä bärep kerdelär ,Qudüs häm Yordannıň könbatış üzänlegendä saq astına alular buldı dip yaza.

“Äl – Cäzirä” xäbär itkänçä, Törkiyä ilbaşı Räcäp Tayyip Ärdoğan “rasaçılıq virusı”nıň koronavirusqa qarağanda qurqınıçraq buluın , media häm keşe xoquqları oyışmalarınıň  möselmannarğa höcümnärne kürmämeşkä salışuların belderde.

“Elquds Elarabi” basması yazğança, AQŞ saqlanu ministrlığı Pentagonnıň “Patriot” sistemasın kire qağuı Yaqın Könçığış illären Rusiyäneň S-400 saqlanu sistemasına yäki Qıtaynıň X-Qiu-9 sistemasına êtärergä mömkin.

“Infobae” basması AQŞ Nikaragua ilbaşı Daniêl’ Ortega rejimına basımnı arttıru öçen qanun qabul itärgä äzerlänä dip citkerä.  

“Telesur” gazetı Rusiya häm Venesuêla tışqı êşlär ministrları strategik mönäsäbätlärne rasladılar dip yaza.

“TASS” agentlığı xäbär itkänçä, Rusiyäneň Vaşingtondağı tulı wäqalätle ilçelege AQŞ häm berlektäşlären Qara diňgezdä Sea Breeze - 2021  xärbi küneülären ütkärmäskä öndäde.

“RİA Novosti” citkergänçä, Germaniyädä Sul partiya xalıq ışanıçlısı Sevim Dadelen  “nd.DerTag” gazetına  yazğan mäqaläsendä saqlanu çığımnarın arttırğan Berlin xakimiyäteneň Rusiya belän suğışqa äzerlänüen belderde.

“Gazeta.ru” Törkiyä belän reyslar yaňadan başlanğannan  soň Rusiyädä Törkiyä turlarınıň bäyäse ikelätä diyärlek arttı dip citkerä.

“Tatar - inform” xäbär itkänçä, Tatarstan ilbaşı Röstäm Miňnexanov 2020 nçe yılda Törkiyä belän Tatarstan arasında tovar äyläneşeneň 360 million dollardan artıp kitüen belderde.