Dönya matbuğatına küzätü 16.06.2021

“zdf.de” xäbär itkänçä, Germaniyädä pandemiya çorında çiktän tış uňçılıq arttı.

“Deutsche Welle” media oyışması citkergänçä, Awrupa Berlegendä ütkärelgän soraştıru näticäläre kürsätkänçä, awrupalılarnıň kübese illärendä korrupśiya arta bara dip uylıy. 

“ard.de” säxifäse soňğı 10 yılda Germaniyädä inflyaśiyäneň iň  yuğarı däräcädä buluın belderä.  

“el-Düstur” basması Qudüstäge bayrak yöreşe Naftali Bennett citäkçelegendäge İzrail xakimiyäteneň täwge sınawı dip yaza.

“el-Quds el-Arabi “ gazetı İzrailneň Ğazzä sızığına hawa höcüme oyıştıruın belderä.

“el-Raye el-Qatariyye” basması yazğança, Ğaräp Ligasına äğ’za däwlätlärneň tışqı êşlär ministrları BMO iminlek şurasın Xedasi böyäse turında kiňäşläşü öçen aşığıç utırış ütkärergä çaqırdılar.

“Le Figaro” gazetı koronavirus Amerika Quşma Ştatlarında 2019 nçıyılnıň dekabrendä bulğan dip yaza.

“Le Parisien” basması citkergänçä, Franśiya prem’yer-ministrı Jan Kasteksnıň izolyśiya waqıtı bette, ul ministrlar şurasına kerä ala.  

“France 24” 2020 Awrupa futbol çempionatında Franśiya Germaniyäne Myunxen’dä 1-0 isäbe belän ciňde dip xäbär itä.  

“El Mundo” gazetı İspaniyädä Kovid -19 êpidemiyäse waqıtında ul’tra baylarnıň 13%ı nıň baylıqlarınıň zur öleşen yuğaltuın citkerä.

“TeleSur” basması citkergänçä, Pedro Kastillo Peruda ilbaşı saylawında ciňde. Ul tawışlarnıň 50,125% ın aluğa ireşte.

“Lenta.ru” xäbär itkänçä, Sankt Peterburg universitetı ğalimnäre iyül’ urtalarında Rusiyädä koronavirus oçraqlarınıň iň yuğarı noqtası bulırğa mömkin dip uylıy.

“TASS” agentlığı Rusiya Federaśiyäse däwlät başlığı süzçese Dmitriy Peskovnıň Rusiya belän AQŞ arasında dialog defiśitınıň Sovetlar Berlege waqıtınnan da kübräk buluın, ä fiker alışırğa kiräk bulğan küp sorawlar buluı turında äytüen citkerä.

“İzvestiya” gazetı yazğança, AQŞnıň êlekkege däwlät särqätibe Mayk Pompeo AQŞ ilbaşı Djo Baydennıň bügen Rusiya Federaśiyäse däwlät başlığı Vladimir Putin belän oçraşqannan soň urtaq matbuğat konferenśiyäsendä qatnaşudan baş tartuı ilbaşınıň köçsezlegen kürsätä dide.

“Tatar - inform” xäbär itkänçä, bügen Tatarstan ilbaşı Röstäm Miňnexanov Üzbäkstanğa êş säfärenä kilde.

Ul Tatarstan -Üzbäkstan êşlekle forumında qatnaşaçaq, säfär qısalarında tatar ictimaği oyışmaları wäkilläre belän dä oçraşaçaq.