Dön’ya matbuğatına küzätü 09.06.2021

Ğaräp telle gazetlardan “Al-Quds Al-Arabi” yazğança, Kanada xökümäte räise Djastin Tryudo ildä möselman ber ğailäneñ taptatılıp üterelüen “terrorçılıq höcüme” bularaq atadı.

Katarnıñ “Al Raya” gazetı citkergänçä, İzraildäge iñ qart yordaniyäle mäxküm Abdullax Abu Cäber ilenä qayttı.

Al Jazeera kanalı Yordaniyä patşası Abdullax 2nçeneñ “Yordaniyä häm Fälästin däğ’wasın köçsezländerü planı bar ide, ämma bez aña qarşı tora aldıq” diyüen citkerä.  

 Germaniyäneñ “Frankfurter Allgemeine Zeitung” gazetı xäbärenä qarağanda, BMOnıñ iminlek şurası oyışmanıñ ğomum särqatibe Antonio Guterrişnıñ ikençe çorğa da citäkçelektä qalu ğarizasın xuplıy.

Nemeś telendäge n-tv.de säxifäse yazğança, Germaniya kanślerı Angela Merkel’ klimat üzgärü turında: “Xäzergä qadär êşlänelgännär citärlek tügel,”-dide.

İspaniyäneñ “El Mundo” gazetı citkergänçä, İspaniya patşası Filipp 6nçı koronavirus kizüe betkändä ilneñ qarşına bik küp iq’tisadi awırlıq çığaçağın qabul itte.

 Venesuêlanıñ “Telesur” matbuğat çarası xäbär itkänçä, Peru ilbaşı saylawlarında Pedro Kastillo sanalğan tawışlarnıñ 99%ın alıp alda bara.

Franśiyäneñ “Le Figaro” gazetı citkergänçä, Aljir Xafternıñ höcümnärenä qarşı Liviyägä tıqşınırğa äzer ide.

“Le Monde” gazetı “Fängä gäwdäñne büläk it: Franśiyä xökümäte yaña qararlar teli” dip yaza.

Rusiyäneñ Gazeta.ru säxifäse citkergänçä, Ryazan’ şähärendäge ber xastaxanädä aşığıç yärdäm bülegendä çıqqan yanğında 3 keşe ülde, 11e yaralandı.

Rus telendäge Lenta.ru säxifäse Bolgariyanıñ xärbi oçqıçınıñ Qara diñgezgä kilep töşüe turında yaza.

Tatarstannıñ “Tatar-inform” mäğ’lümat agentlığı bügen kiç Qazanda Qaban küle buyında tatar tele däresläre uzaçağın xäbär itä.