Dön’ya matbuğatına küzätü 11.02.2021

Franśiyäneñ “Le Monde” gazetı Kovid-19nıñ 2019nçı yılnıñ noyabrennän birle Franśiyädä buluı ixtimalı turında yaza.

France 24 kanalı citkergänçä, Awrupa Berlege komissiyäse başlığı Ursula fon der Leyen koronavirus mäs’äläsendäge unışsızlıqların qabul itte.

Venesuêlanıñ “Telesur” gazetı Törkiyäneñ 2023nçe yılda Ay missiyäsen tormışqa aşıraçağı turında yaza.

İspaniyanıñ “El País” gazetı citkergänçä, Awrupa Berlege farmaśevtika firmaların vakśina yasaw mömkinleklären arttırıp kürsätüdä ğayepli.

Germaniyäneñ “Deutsche Welle” gazetı xäbär itkänçä, il yörtüçesez maşinalarnı qullanılışqa kertergä äzerlänä.

Tagesschau.de säxifäse Germaniyädä korona çikläwläreneñ 7nçe martqa qadär ozaytıluın citkerä.

Ğaräp telle “Al-Quds Al-Arabi” gazetı yazğança, ber atna êçendä Liviyä sulıqlarında 1500dän artıq qaçaq qotqarıldı.

Yordaniyäneñ “Addustour” gazetı xäbär itkänçä, Awrupa Berlege İzrailneñ Fälästindä qanunsız cirläşü êşçänlegen tuqtatuın taläp itä.

Rus telendäge mäğ’lümat çarası TASS agentlığı yazğança, belgeçlär Angliyädä mutaśiyä kiçergän koronavirusnıñ Rusiyädä yaz urtalarında tarala başlayaçağın farazlıy.

“Tatar-inform” mäğ’lümat agentlığı citkergänçä, Tatarstanda iñ yaxşı wasıyät’namälär cıyılğan kitap çığarırğa niyätlilär.