Дөнья мaтбугaтынa күзәтү - Dön’ya matbuğatına küzätü 09.02.2021

Deutsche Welle: Germaniya külämendä 2020nçe yılda möselmannarğa häm möselman oyışmalarına qarşı 900dan artıq höcümneñ terkälüe açıqlandı.

zdf.de: Awstriya xökümäte koronavirus kizüe arqasında Tirol bundeslandı öçen säyäxät kisätüen yasadı.

“äl-Quds äl-Arabi” gazetı (Soğud Ğäräbstanı): (citäkçelekne bärep töşergän) M’yanma räsmi organnarı protest çaralarına cawap birü belän yanıy häm qayber şähärlärdä xärbi xälat iğ’lan itte.

“äl-Quds äl-Arabi” gazetı (Soğud Ğäräbstanı): Süriyädäge AQŞ köçläreneñ maqsatı monnan arı neft’ne saqlaw tügel.

“äl-Rayä äl-Qatariyyä” gazetı (Qatar): Qatar Baş ministr urınbasarı häm tışqı êşlär ministrı Şäyex Möxämmäd bin Abdulrahman Al-Sani Amerika Quşma Ştatları milli iminlek kiñäşçese Djayk Sallivan belän telefonnan söyläşte.

Le Figaro (Franśiya) : “Kovid-19” : (Franśiyada) mäktäp tabibläre uqu yortlarınıñ dürt atnağa yabıluın sorıy.  

France 24 (Fransa) : Kovid-19 : (Franśiya İlbaşı Êmmanuêl) Makron Bötendönya sälamätlek saqlaw oyışmasınıñ ğomum direktorı belän vakśinaśiyäläwne tizlätü mäs’äläsen söyläşte.

El Pais: (İspaniya) İspaniya iq’tisadi êşlär häm sanlı üzgäreş ministrı Nadia Kalviño “Kovid-19” pandemiyasında yäşängän öçençe dulqınnıñ qırıslığı arqasında däwlätneñ şirkätlärgä iq’tisadi yärdämneñ arttırıluınıñ zarurlığın äytte.

El Mundo: (İspaniya) Kataloniya Parlamentı başlığı Roger Torrent Katalan problemasınıñ çişeleşeneñ däwlätneñ (bu töbäktä) referendumnı qabul itüe belän bulacağın äytte.

TeleSur: (Venesuêla) Êkvador Milli saylaw şurası (CNE) kiñäşçese Xosé Kabrera İlbaşı saylawınıñ ikençe turında namzät Andrés Arauz belän kemneñ qara-qarşı bulacağın bilgeläw öçen berniçä kön kiräk bulacağın belderde.

“Russia Today”: Germaniya citäkçelege Awrupada koronavirus vakśinalarınıñ taratıluında yäşängän “faciğa” arqasında Rusiyädä êşläp çığarılğan vakśinanıñ alınuı bäyälänä.

“İzvestiya” gazetı: Rusiyä tışqı êşlär ministrlığı Pol’şanıñ, Germaniyanıñ häm Şveśiyanıñ Rusiyä diplomatların ildän quıp çığaruın ““nigezsez” dip bäyäläde.

“RBK” internet säxifäse: Rusiyädä telägän änilärneñ üzlärenä däwlät tarafınnan tülängän aqçanı qıymmätle qağäzlär investiśiyäsendä qullanuına röxsät birelergä mömkin.

Tatarstannıñ “Tatar-inform” agentlığı Sankt-Peterburgta tatar telennän buşlay kurslarnıñ açıluın xäbär itä. Agentlıq beldergänçä, Sankt-Peterburgta Qayum Nasıyri institutınıñ mäğarif-mädäniyät üzägendä oyıştırılğan 3 aylıq tatar tele däreslären Alinä Xäyrullina alıp baraçaq.