Dönya matbuğatına küzätü 03.02.2021

“Bild.de” beldergӓnçӓ, Germaniya koronavirus belӓn körӓş qısasında Portugaliyağa ğaskӓrlӓr hӓm tabiblar cibӓrӓçӓk.  

“Frankfurter Allgemeine Zeitung” Rusiya oppoziśionerı Aleksey Naval’nıynıň törmӓdӓ utıraçağın citkerӓ.

“Spiegel.de” Rusiyӓneň koronavirus vakśinası “Sputnik V”nıň êffektivlığı 91,6% tӓşkil itӓ dip belderӓ.  

“Le Parisien” gazetı Franśiya ilbaşı Êmmanuêl’ Makron telӓgӓn barlıq franśuzlarğa cӓy azağına qadӓr privivka yasalaçaq wӓğ’dӓse birde dip yaza.  

“Le Monde” basması yazğança, koronavirusnıň Angliya variantınıň mutaśiyӓse borçu tudırun dӓwam itterӓ.  

“France 24” kanalı Bötendönya sӓlamӓtlek saqlaw oyışmasınnan belgeçlӓr törkemeneň Qıtayda Uxan’ virologiya institutına baruın citkerӓ.

”Ӓl Raya” basması  citkergӓnçӓ, Awrupa Berlege Kosovonı Qudüstӓ tulı wӓqalӓtle ilçelek açmaw mӓs’ӓlӓsendӓ kisӓtte . Ğarap Ligası ilçelek açu qararın xalıqara xoquqnı bozu bularaq bӓyӓlӓp ğayeplӓde.

“Al Dastour” ike ay êçendӓ dönya külӓmendӓ koronavirusqa qarşı 100 million privivka yasaluın xӓbӓr itӓ.  

“Al Jazeera” nomal’lӓşkӓnnӓn soň İzrail Sudanğa investiśiya proyektların tormışqa aşırırğa tӓq’dim itӓ dip belderӓ.

“El Pais” basması yazğança, Awrupa Üzӓk bankı mӓğ’lümatları buyınça, İspaniya uzğan yıl iq’tisadi krizisnı ciňӓr öçen iň az aqça sarıf itkӓn Yevro ile buldı.

“El Mundo” gazetı İspaniyӓneň şaqtıy şӓhӓrendӓ Kovid -19 êpidemiyӓseneň taraluına qarşı çaralar könnӓn kön köçӓyӓ bara dip citkerӓ.  

“TASS” agentlığı xӓbӓr itkӓnçӓ, Rusiya Federaśiyӓse tışqı êşlӓr ministrlığı süzçese Mariya Zaxarova Könbatışlı diplomatlarnıň oppoziśiya sӓyӓsӓtçese Aleksey Naval’nıynıň Mӓskӓwdӓge utırışın qarawın sӓyӓsi çara dip bӓyӓlӓde.  

“Kommersant “gazetı Rusiyӓneň New -Yorktağı baş konsullığına Aleksey Naval’nıyğa yaqlaw kürsӓtü çaraları waqıtında qızıl buyaw ırğıtıldı.Baş konsullıq  AQŞ dӓwlӓt departametınnan diplomatik missiyӓneň qurqınıçsızlığın tӓêmin itüne soradı dip yaza.

“Gazeta ru” yazğança, Qıtay Kovid -19ğa qarşı vakśina êşlӓp çığaruda Rusiya belӓn xezmӓttӓşlek başqarırğa ӓzer.

“Tatar - inform” xӓbӓr itkӓnçӓ, Tatarstanda tӓwlek êçendӓ koronavirusnıň 85 oçrağı açıqlanğan. Uzğan tӓwlektӓ respublikanıň 92 keşese sawıqtı.