Дөнья мaтбугaтынa күзәтү - Dön’ya matbuğatına küzätü 01.02.2021

Le Monde: Myanma: Däwlät şurası başlığı häm tışqı êşlär ministrı Aung San Suu Kyi armiya tarafınnan saq astına alındı häm ildä ber yıllıq ğadättän tış xäl iğ’lan itelde.

Le Figaro: Macarstan (Vengriya) Baş ministrı Viktor Orban Rusiyä häm Qıtay vakśinaları belän awrupalılarnı därtländerä.

Le Soir (Bel’giya): “AstraZeneca” Awrupa Berlegenä tapşıraçaq vakśina sanın arttıraçaq.

Al-Raya Al-Katariya (Qatar): Yaña tör koronavirusnı (“Kovid-19”nı) idarä itüdä iñ naçar il Braziliya, iñ yaxşısı da Yaña Zelandiya. 

“Watan” (Oman): Oman “Kovid-19” belän köräş qısalarında ciröste çigen yabu qararın 8nçe fevral’gä qadär ozınayttı.

El-Mustakbal (Livan): Angliyanıñ “Guardian” gazetı: “Qıtayda yana virüs tabıldı, ülemgä kiterüçe häm yoğışlı, çığanağı isä yarqanatlar.

N-TV.de: Germaniya êçke êşlär ministrı Horst Seehofer: "Mäcbür bulmağan oçraqta çit ilga kitü axmaqlıq bulır"

Deutsche Welle: Törkiyä saqlanu ministrı Hulusi Akar sişämbe könne Berlinda alman wazıyfadaşı Kramp-Karrenbauer belän küreşäçäk.

FAZ.net: Pandemiya Germaniya universitetları belän qızıqsınunı kimette.

El Mundo (İspaniya): İspan taqımı “Barcelona”nıñ Argentinalı futbolçı Lionel Messi belän tözegän kileşüneñ neçkälekläre bilgele buldı. Moña kürä, 2017nçe häm 2020nçe yıllar aralığında Messigä näq’ 555 million yevro tülängän. 

El Pais (İspaniya): İspaniyada çirkäw tağın 126 censi êzärlekläw däğwasında cawaplılığı buluın qabul itte. 

El Nacional (Venesuêla): Meksika Kanada belän oçışlarnıñ tuqtatılıp toruı arqasında barlıqqa kiläçäk yuğaltunıñ 782 million dollar bulacağın küzallıy. 

RİA Novosti: Rusiyä Federaśiyäse Baş ministrı Dmitriy Medvedev internetnıñ Amerika Quşma Ştatları tarafınnan idarä itelüen häm Rusiyäneñ kiräk bulğan çaqta internetnı yabıp al’ternativ mäydanğa küçä alacağın äytte.

Kommersant: Kiçä başqala Mäskäwdä oyıştırılğan uram cıyınnarında şähär üzägeneñ häm qayber metro stanśiyalarının yabıq buluına qaramastan (oppoziśiyäçel säyäsätçe Aleksey Navalnıynıñ irekkä cibärelüen taläp itkän) protestçılar, “Telegram” aşa xäbärläşep, töp uramnarğa barıp citä aldı. 

Lenta.ru: Diñgez transportında tariflarnıñ artuı arqasında Rusiyädä çit ildän kiterelgän könküreş texnikası häm äzer kiyem bäyäläre kisken räweştä artaçaq.

Tatarstannıñ “Tatar-inform” agentlığı Tatarstanda buran häm köçle cil buluı turında kisätelüen citkerä. Agentlıq beldergänçä, Tatarstanda anomal’ cılı hawa torışı saqlana häm 1nçe fevral’ könne buran bulırğa mömkin, köçle cil bulaçaq, yullarda köçle bozlawıq xasil bula.