Dönya matbuğatına küzätü 15.01.2021

“Spiegel.de” xӓbӓr itkӓnçӓ, yaqında AQŞta  ilbaşı wazıyfasın qabul itep alaçaq Djo Bayden 1 trillion 900 milliard dollar külӓmendӓ koronavirus yӓrdӓm paketı planlaştıra.

“Deutsche Welle” media oyışması yarımütkӓrgeç êşlӓnmӓlӓrneň citeşsezlege arqasında avtomobil’ industriyӓse qıyın könnӓr kiçerӓ dip belderӓ.

“ard.de” sӓxifӓse Germaniya kanślerı Angela Merkelnıň koronavirusnıň mutaśiyӓgӓ  oçrawı arqasında waqıtnı ӓrӓm itmiçӓ rӓsmi zatlar belӓn tiz arada oçraşıp tağın da köçle çaralar kürergӓ telӓwen citkerӓ.

“Eldustour” basması Bötendönya sӓlamӓtlek saqlaw oyışmasınıň pandemiyӓneň ikençe yılınıň tağın da awır bula alaçağı turında  iskӓrtüen belderӓ.

“Elqudus” basıp aluçı İzrail üz cirlӓren yӓhüd cirlӓşü höcümnӓrennӓn saqlarğa tırışqan qasabalardan üç ala dip citkerӓ.

“Elwatan” gazetı Kuveyt nefteneň bӓyӓse kütӓrelӓ dip yaza.

“El País” basması İspaniyӓdӓ koronavirus yoqtıruçılar sanı yıl başınnan birle 3 tapqırğa, xastaxanӓdӓ yatuçılar sanı 2 tapqırğa arttı dip belderӓ.  

“Prensa Latina” xӓbӓr itkӓnçӓ, Argentina ilbaşı Alberto Fernandes abortnı qanunlaştırunı raslağan.  

“Infobae “ sӓxifӓse İran rejimınıň Venesuêla armiyӓsen uqıtıp öyrӓtü öçen bu ilgӓ  ofiśerlar cibӓrüen xӓbӓr itӓ.

“France 24” kanalı citkergӓnçӓ, 18 sӓğӓt’tӓn soň ilneň qayber töbӓklӓrendӓ ğamӓldӓ bulğan komendant sӓğӓte şimbӓdӓn başlap böten Franśiya külӓmendӓ kertelӓçӓk.

“Lenta.ru” xӓbӓr itkӓnçӓ, tvitter Rusiyӓneň koronavirusqa qarşı “Sputnik V” vakśinasınıň akkauntın yaptı.  

“TASS” agentlığı Rusiya watandaşları hӓm êşquarlarnıň bankrotlıq dӓrӓcӓseneň 2020 nçe yılda 73% tirӓsendӓ artuın citkerӓ.  

“RİA Novosti” agentlığı Rusiyӓgӓ bӓyle Buryatiya Cömhüriyӓte gubernatorı Aleksey Śıdenovnıň cirle xökümӓtne wazıyfasınnan aluın belderӓ.