Дөнья мaтбугaтынa күзәтү - Dön’ya matbuğatına küzätü 04.01.2021
Кaйбeр чит ил бaсмaлaрынa күзәтү / Qayber çit il basmalarına küzätü
“Al-Raya Al-Katariya” (Qatar): Törkiyä koronavirusqa ( “Kovid-19”ğa) qarşı qamilläştergän cirle vakśinanı aprel’ ayında bazarğa täq’dim itäçägen açıqladı.
“Watan” (Oman): Oman sälamätlek saqlaw ministrlığı: 7 meñ 600 keşegä koronavirus vakśinası yasaldı häm bernindi naçar yoğıntısı kürenmäde.
“Äl-Mustakbal” (Livan): Kiçä 2 meñ 870 keşeneñ koronavirus yoqtıruın häm 10 keşeneñ häläq’ buluın belderüçe Livan sälamätlek saqlaw ministrlığı: “Wazğiyät borçılırlıq”, - dip äytte.
El Pais: (İspaniya) İspaniya häm Angliya Breksittan soñ xärbi xezmättäşlek kileşüen söyläşä.
El Mundo: (İspaniya) ispannarnıñ 70%ı Wäkillär Kongressında raslanğan yaña êvtanaziya (xoquqı) qanunın raslıy.
TeleSur: (Venesuêla) Kolumbiya başqalası Bogota “Kovid-19” oçraqlarınıñ artuı arqasında 5nçe ğinwardan soñ yañadan karantin barışına keräçäk. Yaña karantin barışı 18nçe ğinwar’ğa qadär däwam itäçäk.
ZDF Online: Germaniyada 2021nçe yılda ğomum saylaw belän bergä altı bundeslandta ta bundesland parlamentı saylawları uzaçaq.
Deutsche Welle: Germaniya xökümäte 2020nçe yılda Yämän häm Liviya kebek bäreleşlär bulğan illär yäki bu bäreleşlärdä taraf totqan illär belän ber rättän ber milliard yevrodan kübräk qoral êksportın rasladı.
T-Online: Alman virusologı Christian Drosten koronavirus arqasında 2021nçe yılnıñ berençe yartısında "qatlawlı xäl”neñ yäşänä alınaçağın kisätte.
Le Figaro (Franśiya): Ber tikşerenügä kürä, franśuzlarnıñ zur küpçelege (“Kovid-19”qa qarşı) vakśinaśiyälänüne kire qağa.
Le Soir (Bel’giya): Bel’giyada vakśina kampaniyası başlandı: qatnaşu küläme kötelgännän kübräk.
Tribune de Genève (Şveyśariya): Şveyśariyanıñ vakśinaśiyäläw kampaniyasın başlata almawı reakśiyälärgä säbäp bula.
“TASS” agentlığı: AQŞ däwlät särkätibe Mayk Pompeo Donal’d Tramp citäkçelegeneñ monnan aldağılarğa qarağanda Rusiyägä qarşı iñ qırıs säyäsät alıp barğan amerikan citäkçelege buluın äytte.
Lenta.ru: Xorvatiya 2021nçe yılnıñ 1nçe ğinwar’dan soñ, Amerika Quşma Ştatlarınnan sıyıqlandırılğan tabiğıy gaz alunı başlap, Rusiyäneñ Awrupadağı gaz xakimiyätenä zıyan yasadı.
“RİA Novosti” agentlığı: Bertörkem ğalim häm arxeolog Törkiyäneñ könbatışındağı Urla-Çäşmä yarım utrawında 2500 yıllıq Afrodit ğibadätxanäseneñ qaldıqların taptı.
Tatarstannıñ “Tatar-inform” agentlığı Öfedä tanılğan dirijyor, Başqortstannıñ xalıq artistı Tahir Qamalovnıñ koronavirustan 59 yäşendä wafat buluın xäbär itä.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü